Модутская сельская модельная библиотека

Ахсынньы 4 күнүгэр сахалыы уус-уран литератураны ааҕыыны көҕүлүүр, үһүс төгүлүн ыытыллар “Чолбон өй күрэһэ. III улахан оонньуу» онлайн уонна миэстэтигэр түмсэн Нам уонна Мэҥэ-Хаҥалас улуустарын хамаандаларыгар ананан ыытылынна. Быйылгы оонньуу «Чолбон» сурунаал төрүттэммитэ 100 сылыгар, бастакы эрэдээктэр А.И.Софронов төрөөбүтэ 140 сылыгар ананан ыытыллар.

  Кыттааччылар уоннуу ыйытыктаах түөрт түһүмэхтээх тургутугу аастылар. Бастакы түһүмэх А.И.Софронов-Алампа олоҕугар, айар үлэтигэр ананна, иккис — “Чолбон” сурунаалга уонна саха литературатыгар, үһүс — билиҥҥи кэм литературатыгар, төрдүс — саха тыйаатырыгар.

  Оонньуу түмүгүнэн Модут нэһилиэгин хамаандата (Гуляев Владимир Иванович, Кривошапкина Рассветлана Алексеевна, Осипова Александра Николаевна) 32 баалы ылан Нам улууһугар 2 миэстэ буолары ситистилэр.