Модутская сельская модельная библиотека

Олоҥхо саха омук былыыр былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын, күрсүүлэрин туһунан уостан уоска бэриллэн кэлбит уус – уран айымньыта. Олоҥхо киһи өркөн өйүн, күүһүн – күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар.

   2005 сыллаахха сэтинньи 25 күнүгэр, ЮНЕСКО олоҥхону аан дойду култуупратын биир саамай чаҕылхай щедеврынан биллэрбитэ. Нөҥүө сылыгар СӨ бэрэсидьиэнин 3036 нүөмэрдээх Ыйааҕынан 2006 сыл сэтинньи 25 күнэ Олоҥхо күнүн быһыытынан биллэриллибитэ.

    Өрөспүүбүлүкэтээҕи Олоҥхо дэкээдэтин чэрчитинэн биллэриллибит, Ийэ тыл барҕа баайын иҥэриммит олонхо тылын-өһүн таба суруйар үөрүйэҕи олохсутар – иҥэрэр сыаллаах «Олоҥхо дьыктаана» аахсыйа Модут олохтоох модельнай библиотекатыгар буолла. Аахсыйаҕа сааһыттан, идэтиттэн уонна үөрэҕиттэн тутулуга суох баҕалаах дьон кытыннылар. Дьыктаан тиэкиһэ И.И. Бурнашев “Сылгы уола Дыырай Бухатыыр”  олоҥхотуттанн ылылынна. Дьыктааны аахта СӨ култууратын туйгуна, И.С.Охлопков аатынан култуура дьиэтин уус-уран салайааччыта Куличкина – Шамаева Евдокия Петровна.  Кыттыбыт дьоҥҥо барыларыгар СӨ Национальнай библиотекатын аатыттан туоһу суруктар туттарылыннылар.

   «Үчүгэй суруксут» анал ааты ыллылар:

   — Ядрихинская – Попова Саргылаана Николаевна

   — Дьяконова Лена Ивановна

   — Васильева Анна Мичилиевна