Модутская сельская модельная библиотека

  Бүгүн, олунньу 13 күнүгэр  Модут олохтоох модельнай библиотекатыгар Ийэ тыл, сурук-бичик күнүн чэрчитинэн сахалыы таба суруйуу, үөрүйэҕин олохсутар, иҥэрэр сыаллаах «Сахалыы дьыктаан-2026” аахсыйа ыытылынна. Сахалыы дьыктаан 2014 сылтан Өрөспүүбүлүкэ үрдүнэн Хотугулуу-Илиҥҥи бэдэрээлинэй үнүбүрсүтүөт уонна Саха Өрөспүүбүлүкэтин Национальнай бибилэтиэкэтэ тэрийэн ыыталлар. Бу тэрээһин саха омук тылын быстыбат, кэскиллээх оҥорор уонна сахалыы сурук-бичик сүппэккэ хааларыгар төһүү күүс буолар. Быйыл кыттааччылар саха народнай суруйааччыта, Үлэ геройа Дмитрий Кононович Сивцев — Суорун Омоллоон «Чүөчээски» кэпсээниттэн быһа тардыыны суруйдулар.   

   Дьыктааны аахта саха тылын уонна литературатын учуутала Рассветлана Алексеевна Кривошапкина. Дьыктааны суруйуу түмүгүнэн кыттыбыт дьоҥҥо СӨ Национальнай бибилэтиэкэтин аатыттан туоһу суруктар туттарылыннылар, ону кытта «Бастыҥтан бастыҥ суруксут» ааты Шапошникова Мария Ивановна, «Бастыҥ суруксут» — Сыроватская Анфиса Степановна, «Үчүгэй суруксут» — Пахомова Сардана Тимофеевна ыллылар.

Ону тэҥэ Модут орто оскуолатын үөрэнээччилэрэ, чуолаан 3-4, 5-6, 7-8 кылаас оҕолоро Өрөспүүбүлүкэтээҕи «Таптыыр сахам тылынан» олипиадаҕа кыттыыны ыллылар. Быйылгы олимпиада истэн суруйуу быһыытынан ыытылынна. Оҕолору кытыннарбыт, дьыктааны суруттарбыт Модут орто оскуолатын учууталларыгар, Гуляев Владимир Ивановичка, Петрова Татьяна Васильевнаҕа, Охлопкова Светлана Никитичнаҕа, Гадимова Туйаара Николаевнаҕа махаталбытын биллэрэбит!

    Көхтөөхтүк кыттыбыт ааҕааччыларбытыгар өссө да үрдүктэн үрдүк ситиһиилэри баҕарабыт!